Ek baar phir... (for all my Nirma Friends)

Ek baar phir who Nirma ke din laut aaye,
Ek baar phir hum college students ban jaaye…

Ek baar phir who hostel me rehne chale jaaye,
Aur phir hafte me bas do teen baar nahaye,
Raat bhar CS ki duniya me dhoom machaye,
Aur din me class me sote pakde jaaye…

Ek baar phir Akanksha Bumb class me late entry kare,
Ek baar phir Neeraj Goyal assignment se dare,
Phirse Harish Gupta question pucchta hi jaaye,
Phirse Umang Agarwal ko class room me neend aaye…

Phir Anupam Garg ko log Hell G ka naam de,
Phir Gopalkrishnan Sir assignment ke liye ek hi shaam de,
Phir Neha Gupta ko log Nano kehkar bulaaye,
Phir Sachin Singh ko log sirf playground pe hi paaye…

Phir se class ke break me log tapri pe hi mile,
Sota hua GG phir sirf dinner ke liye hile,
Phir Priyavrat Sajjan Rajasthan Dhabe pe dikhe,
Phir mess se zyada pantry ka khana beeke…

Phir se Riti Ranka class ko colorful kar de,
Aur bachi hui kasar Sharmil Patwa bhar de,
Phir se sham ko hostel me Kaalepapa prakat ho,
Phir warden aane pe 7th floor pe sankat ho…

Phir Akhilesh aur Kaushik nache aur nachaye,
Phir Ankur Dhariwal flirting karte pakda jaaye,
Phir Anuja Nair se maahol Tinglemay ho jaaye,
Phir se janmashtami boy’s hostel me mangalmay ho jaaye…

Phir se Anand Gupta ko “The Bhai” ka khitab mile,
Phir Ankit Shrimali Shri CultComm banne chale,
Phir ho race Atit, Abhishek aur Jai ke beech finance ki,
Phir ho taarif Parsu aur Abbi ke Chidiya Dance ki…

Phir exam ke ek din pehle Siddharth Agarwal ki class ho,
Phir se Karthik Rawal exam me copy karke pass ho,
Phir se Manish Ojha ki bike ho aur bees rupaiye ka petrol ho,
Phir se Chehre ke play me Anubhav Sood ka role ho…

Phir Dinubhai pakad pakad ke sabko PJ sunaaye,
Phir Gannu ko kahi bhi, kabhi bhi neend aa jaaye,
Phir Chirantan subah shaam Gym me exercise kare,
Phir Aayush Bhalla ek hi chapter char baar revise kare…

Phir Lodhi ke festival me popcorn aur mungfali plenty ho,
Phir se Sumit Gupta sab ki har baat pe senti ho,
Phir Yogesh ban jaaye Yo aur Rohit ban jaaye rO,
Phir Tanvi Madan kahe, “Tum Kharab Aadmi Ho”…

Phir har shaam Sapna Vyas campus ke chakkar lagaaye,
Phir Ullhas Kelkar baccho ki “Didi” ban jaaye,
Phir har raat baje, Vintybhaiya ka Midnight Radio,
Phir Hum dekhe Mahi:P and Rustyic Film ka video…

Phir Jyoti ki hasi se saara girls hostel darr jaaye,
Phir Priyanka Jain Ms. Richter ban jaaye,
Phir Kaushal aur Sid Roy mil kar gaana gaaye,
Phir se question pucch pucch Nimish conclaves ki shaan badhaye…

Phir Audi me ek hi naara, aur who naara aisa ho,
“Humara neta kaisa ho, Dhawal Joshi jaisa ho”,
Phir se Nikhil Aur Arya ki room, CFA room kehlaaye,
Phir Richa Palriwal nautanki aur nakhre dikhlaaye…

Phir fashion show me Pallavi aur PG ki cat walk ho,
Phir CUG phones pe raat raat bhar talk ho,
Phir IP messenger pe bakarbaazi ka maahol ho,
Phir attendance lagaane ke liye proxy ka jhol ho…

Phir Prabhat Yadav sikhaye Pikachu, raichu ke funde,
Phir se Backlawn me ho executive dinner on Sunday,
Phir Aditi Jain zor se kahe”ek jhaapat khaayega”,
Aur phir Paridhi Jain kahe, humse “Naa ho paayega”…

Phir Amarnani sir aur shantanu sir de Finance ka dose,
Aur uthne me itna late ho ke breakfast chhut jaaye roz,
Phir Ketaki ban jaaye mata aur utkarsh ban jaaye lala,
Phir raat ko hostel me loudspeaker pe roz baje Madhushala…

Phir placement ki ho tension, aur yaaro ka ho saath,
Phir conclave me suit pehne, din se ho jaaye raat,
Phir do chhuti wale weekend pe ho roadtrip ya outing,
Phir NCL ki matches me ho hooting aur shouting…

Phir Navraatri ki raato me jhoom ke naachna gaana,
Phir richter ke pronite me yaaro ke sang chillana,
Phir ho convocation ka din, phir medal ka suspense,
Phir hum ban jaaye Nirma ke present se past tense…

Phir ek baar woh dosto se milne ke waade kare,
Phir dil me yaadien liye zindagi me aage badhe,
Ek baar phir zindagi me yeh kaamyaabi ka makaam paaye,
Aur phir soche Ek baar phir woh Nirma ke din laut aaye…